11 ದಿನದಲ್ಲಿ 4ನೇ ಬಾರಿ CNG ದರ ಏರಿಕೆ: ಕೆಜಿಗೆ ₹2 ಹೆಚ್ಚಳ, ಬೆಂಗಳೂರಿನ ವಾಹನ ಸವಾರರಿಗೂ ಹೊರೆ

ನವದೆಹಲಿ/ಬೆಂಗಳೂರು: ಸಂಕುಚಿತ ನೈಸರ್ಗಿಕ ಅನಿಲ (CNG) ಬೆಲೆ ಮತ್ತೊಮ್ಮೆ ಏರಿಕೆಯಾಗಿದ್ದು, ಮೇ 26ರ ಬೆಳಿಗ್ಗೆ 6 ಗಂಟೆಯಿಂದ ದೆಹಲಿಯಲ್ಲಿ ಕೆಜಿಗೆ ₹2 ಹೆಚ್ಚಳ ಜಾರಿಯಾಗಿದೆ. ಇದರೊಂದಿಗೆ ಕೇವಲ 11 ದಿನಗಳಲ್ಲಿ ನಾಲ್ಕು ಬಾರಿ ದರ ಏರಿಕೆ ಆಗಿದ್ದು, ಒಟ್ಟು ₹6 ಹೆಚ್ಚಳವಾಗಿದೆ.

ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್ (IGL) ಪ್ರಕಾರ ದೆಹಲಿಯಲ್ಲಿ CNG ದರ ಈಗ ₹83.09 ಪ್ರತಿ ಕೆಜಿ. ನೋಯ್ಡಾ ಮತ್ತು ಗ್ರೇಟರ್ ನೋಯ್ಡಾದಲ್ಲಿ ₹88.70, ಮುಂಬೈನಲ್ಲಿ ₹84 ಆಗಿದೆ. ದೆಹಲಿಯಲ್ಲಿ ಪೆಟ್ರೋಲ್ ದರವು ₹100 ದಾಟಿದ ಬೆನ್ನಲ್ಲೇ CNG ಕೂಡ ದುಬಾರಿಯಾಗಿದೆ.

ಜಾಗತಿಕ ಮಟ್ಟದಲ್ಲಿ ಅಮೆರಿಕ-ಇರಾನ್ ಸಂಘರ್ಷದಿಂದ ಹೋರ್ಮುಜ್ ಜಲಸಂಧಿಯಲ್ಲಿ ತೈಲ ಪೂರೈಕೆ ತಡೆಯಾಗಬಹುದೆಂಬ ಆತಂಕದಲ್ಲಿ ಕಚ್ಚಾ ತೈಲ ಬೆಲೆ ₹104-110 ಡಾಲರ್ ಆಸುಪಾಸು ಉಳಿದಿದೆ. ಭಾರತ ತನ್ನ 90% ತೈಲ ಅಗತ್ಯವನ್ನು ಆಮದಿನಿಂದ ಪಡೆಯುವ ಕಾರಣ, ಈ ಬೆಲೆ ಏರಿಕೆ ಗ್ರಾಹಕರಿಗೆ ನೇರ ಹೊರೆಯಾಗಿ ಬೀಳುತ್ತಿದೆ.

ಬೆಂಗಳೂರಿನ ಆಟೋ ಮತ್ತು ಕ್ಯಾಬ್ ಚಾಲಕರು ಈಗಾಗಲೇ ತೊಂದರೆ ಅನುಭವಿಸುತ್ತಿದ್ದಾರೆ. CNG ಒಂದೇ ವಾರದಲ್ಲಿ ₹6 ಹೆಚ್ಚಳವಾದರೆ ದಿನನಿತ್ಯ ₹200-300 ಹೆಚ್ಚು ವ್ಯಯವಾಗುತ್ತದೆ ಎಂದು ಅವರು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.